Sigal Prishtina është duke avancuar me nëntë pikë epërsi kundër Pejës, pas pjesës së parë të duelit të pestë final të ‘play-offit’.
Fillim më i mirë i skuadrës kryeqytetase në çerekun e parë, mirëpo në fund të dhjetëminutëshit të parë diferenca ishte vetëm dy pikë (14:16).
Ekipi mysafir luajti sërish më mirë edhe pjesëlojën e dytë duke shkuar në pushim me rezultat 30-39.
Nga ora 19:30, Palestra e Sporteve “Karagaçi” në Pejë, është arena e duelit ndërmjet dy skuadrave më të fuqishme në Kosovë dhe natyrisht se atmosfera është tejet e nxehtë.
Kjo është përballja e pestë e finaleve të ‘play-offit’, e cila do të vendosë titullin e kampionit për këtë edicion.
Dy rivalët e përbetuar në këtë ndeshje vijnë më nga dy fitore dhe skuadra e cila sonte triumfon do t’i gëzohet titullit të kampionit.
Theksojmë se kampioni i ri do të jetë pjesë e kualifikimeve në Ligën e Kampionëve të Evropës, format ky që pritet të startojë në edicionin 2016/2017. /Telegrafi/
