Samsung ka njoftuar se ka vënë re për një rritje të mashtrimeve të përdoruesve të smartfonave të tyre në të gjithë botën.
Një mashtrim i vënë re së fundmi, bëhet duke u dërguar përdoruesve të smartfonëve të Samsungut një mesazh, nën logon e emrin e kësaj kompanie kinse janë të zgjedhur fitues të një shume të madhe parash, transmeton koha.net.
Ky mashtrim është vërejtur edhe në Kosovë, ku disa përdorues kanë lajmëruar në Koha.net, se kanë pranuar një mesazh ku shkruan se ata janë fitues të qindra mijëra dollarëve.
Në këtë mesazh shkruan: “Ju jeni fitues i $750,000,00 dollarëve nga Samsung. Dërgoni adresën tuaj në: Samsung****@gmail.com”.
Kompania e Samsungut ka paralajmëruar konsumatorët e saj për këtë, duke u bërë thirrje që të jenë vigjilentë dhe se ky është një mashtrim nga një palë e tretë të cilët e prezantojnë veten si Samsung por që kanë qëllime të vjedhin të dhënat tuaja personale apo financiare.
Disa skema mashtruese që mund t’i shihni kohëve të fundit në Samsung:
Promocione Text/SMS
Samsung nuk dërgon asnjëherë tekst mesazhe (SMS) për promocione
Kërkesa për transferim parash
Samsung NZ – ekipi për shërbime të konsumatorëve asnjëherë nuk kërkon nga konsumatorët dërgimin e parave në asnjë llogari personale bankare apo të kërkojnë detaje nëpërmjet emailit.
Emailet e dërguara nga Samsung
Komunikimet nëpërmjet emailit gjithmonë përmbajnë adresën e domainit “samsung.com” dhe numrin e autorizuar të thirrjeve (0800 SAMSUNG).
Të dhënat personale
Si një masë paraprake e përgjithshme, mos jepni apo dërgoni emrin, detajet bankare, apo ndonjë detaj personal asnjëherë pa qenë të sigurt se ata janë përfaqësues të autorizuar të Samsungut.
