PDK e vendosur të kundërshtojë versionin aktual të buxhetit [video]

Partia Demokratike e Kosovës duket shumë e vendosur që të mos e lë në versionin aktual projekt buxhetin e vitit të ardhshëm, raporton KTV.

Zyrtarë të lartë të kësaj partie, prapa kamerave, i kanë thënë KTV-së se kanë një numër të madh të vërejtjeve për përmbajtjen e tij.
Madje kanë paralajmëruar se kjo parti ka në plan që ndryshimet e mëdha të përmbajtjes së tij t’i bëjnë mes dy leximeve në kuvend.
Të mërkurën, drafti aktual i projekt buxhetit për vitin e ardhshëm u planifikua të diskutohej në Komisionin për Buxhet dhe Financa, por u tërhoq në mënyrë të shpejtë nga rendi i ditës.

Kërkesa u bë nga kryetari i këtij komisioni, Naser Osmani, ani pse në këtë mbledhje ishte i gatshëm të raportonte edhe ministri i Financave, Avdullah Hoti.