Në një video të publikuar në Facebook, shihen dy aktorët kosovarë, Naser Qeli (shoferi) dhe Shpëtim Desku (pasagjer) duke vozitur veturën me shpejtësi të madhe dhe njëkohesisht duke thyer rregullat e komunikacionit.
Në videon e publikuar shihen tejkalimet që bëhen në këtë magjistrale nga Naseri, duke shkaktuar rrezik edhe për pjesëmarrësit tjerë në komunikacion.
Në video shihet edhe shpejtësia prej 130 km/h që arrihet gjatë tejkalimeve.
Mbase video mund të jetë e shkëputur nga xhirimi i ndonjë projekti televiziv të aktorëve në fjalë megjithatë, vozitja me shpejtësi kaq të madhe në një rrugë të tillë është e patolerueshme.
