Pas vendimit të Aleancës Kosova e Re për t’iu bashkuar koalicionit PAN, gjasat për mbajtjen e vazhdimit të seancës konstituive janë shtuar.
Megjithatë, ende nuk ka vendim të prerë se kur do të bëhet vazhdimin i seances.
Nënkryetari i Partisë Demokratike të Kosovës, Enver Hoxhaj thotë se lidhur me këtë çështje do të koordinohen me partitë politike.
“Do të jemi në proces të konsultimit me të gjitha subjektet politike dhe me procedurat në fuqi të Kuvendit dhe besojë që për një kohë të shkurtë do t’iu informojmë se kur do të mbahet. Por, natyrisht që ky nuk është proces se çfarë e them unë, duhet me pas një koordinim.”, ka thënë Hoxhaj për Indeksonline.
Hoxhaj, ka hezituar të thotë datën se kur pritet të mbahet më saktësisht seanca.
“Nuk flasë me datë ose me ditë, sapo dola prej takimit me kryetarin Veseli, kryeministrin Haradinaj, z. Limaj dhe Pacollin ku edhe u nënshkru marrëveshje. Tash besojë se do të takohemi dhe do të koordinohemi për më shumë”, ka shtuar ai.
