Lideri i Koresë Veriore, Kim Jong Un, ka thënë sot se armët e tij bërthamore janë një “frenues i fuqishëm” që siguron sovranitetin e Koresë Veriore, raportojnë mediat shtetërore. Komentet e Kim vijnë pak orë pasi presidenti amerikan, Donald Trump, tha se vetëm një gjë kryen punë kundër vendit të izoluar.
Trump nuk ka shpjeguar se çfarë nënkupton me atë fjali, por komentet e tij duken të jenë edhe një sugjerim tjetër se veprimi ushtarak është në mendjen e tij, transmeton Express.
Gjatë një fjalimi të Komitetit Qendror të Partisë së Punëtorëve në pushtet, Kim adresoi situatën e komplikuar ndërkombëtare, sipas mediave shtetërore të Veriut.
“Armët bërthamore të Koresë Veriore janë frenues të fuqishëm që me vendosmëri e ruajnë paqen dhe sigurinë në Gadishullin Korean dhe Azinë Verilindore”, ka thënë Kim, duke iu referuar “kërcënimeve të zgjatura bërthamore nga imperialistët amerikanë”.
Në javët e fundit, Koreja Veriore i ka shkrepur dy raketa mbi Japoni dhe i ka kryer testin e gjashtë bërthamor. Ka mundësi që Veriu është duke përparuar drejt përmbushjes së synimit të vet për të zhvilluar raketë me kokë bërthamore që është në gjendje ta godasë SHBA-në. /Express/
