Shënimi i 20 vjetorit të betejës së Llapushnikut po afrohet.
Lidhur me këtë ngjarje të rendësishme, Labinot Gashi- banor i fshatit Lapushnik të komunës së Drenasit, ka bërë të ditur se pas 6 viteve do të mbahet tubim përkujtimor për nderë të Epopesë së Grykës së Llapushnikut.
Në njoftimin e Gashit shkruan:
#EKSKLUZIVE: Pas 6 vitesh do te mbahet tubim përkujtimor për nder te “EPOPESË SË GRYKËS SE LLAPUSHNIKUT”
Të dashur bashkëfshatar, miq, familje të dëshmoreve, invalidëve dhe veteraneve të UÇK-së, duke e ditur se lufta e Grykës së Llapushnikut ishte një nga ngjarjet me të mëdha që i dha kthesë ushtrisë Çlirimtare të Kosovës, dhe njëkohësisht duke e pare pushtetin lokal që po e injoron qëllimisht këtë ngjarje të madhe historike.
Unë, si banor i fshatit Llapushnik e kam ndier si obligim moral dhe njerëzor të marre një iniciative për mbajtjen e një tubimi përkujtimor me rastin e 20 vjetorit te “EPOPESË TE GRYKËS SE LLAPUSHNIKUT”
Fillimisht u konsultova me Këshilltarin Komunal z.Petrit Gashi, i cili e kishte ngritë këtë shqetësim ne kuvend por “lartmadhëria” e tij Ramiz Lladrovci nuk e pa të arsyeshme të merret me këtë çështje. Në konsultim edhe me administratorin e fshatit z. Ramadan Gashi si dhe me këshillin e fshatit, u dakorduam qe të bëjmë një kërkesë ne Qeveri, përkatësisht të këshilltari politik për kategoritë e dala nga lufta z.Gazmend Syla, për mundësinë e mbajtjes së këtij evenimenti të rëndësishëm historik me rastin e 20 – vjetorit.
Dje e dorëzova kërkesën ndërsa sot mora një telefonate nga z.Syla i cili me informoi qe tubimi do te mbahet.
Faleminderit kryeministër Haradinaj, zëvendës-kryeministër Fatmir Limaj, këshilltar politik i kryeministrit z.Gazmend Syla që se paku ju po i dilni në krah vlerave më sublime të UÇK-së e të cilët qëllimkëqijtë po dëshirojnë ti harrojnë.
Ju edhe njëherë treguat qe dini ti ruani dhe ti respektoni vlerat e luftës së lavdishme te UÇK-se, prandaj ju jemi mirënjohës për këtë guxim të madh që po tregoni.
