Partia e Drejtësisë mirëpret vendimin e Qeverisë së Kosovës për shtyrjen e mbledhjes së premiumeve të sigurimeve shëndetësore, duke e vlerësuar si veprim të përgjegjshëm dhe të domosdoshëm marr parasysh vonesat e jashtëzakonshme në përmbushjen e parakushteve ligjore për zbatimin e Ligjit për Sigurime Shëndetësore.
PD vlerëson se periudha e ardhshme gjashtëmujore paraqet afat të mjaftueshëm kohor për Ministrinë e Shëndetësisë që të sigurojë fillimin e suksesshëm të reformës me të rëndësishme të financimit të shëndetësisë Kosovare.
Partia e Drejtësisë kërkon nga Qeveria e Kosovës që me përkushtimin dhe shkallën më të lartë të përgjegjësisë të udhëheqë këtë proces si dhe të sigurojë zbatimin gjithëpërfshirës të reformës shëndetësore, e cila po shënon vonesa të palejueshme me pasoja të rënda për shëndetin e qytetarëve dhe autoritetin publik të punëtorëve shëndetësorë dhe institucioneve shëndetësore të vendit.
