Një aksident trafiku ka ndodhur para pak minutash në Gjilan, dhe sipas pamjeve që kanë dërguar nga Gjilani qytetarët, shihet se janë përfshirë një numër i madh i automjeteve.
Një aksident i shkaktuar nga një kamion në qendër të Gjilanit, shihet se ka dëmtuar shumë vetura.
Rastin për Gazetën Express e ka konfirmuar zëdhënësi i Policisë për Rajonin e Gjilanit, Ismet Hashani.
“Ka ndodhë një aksident i rëndë trafiku, dyshohet se një kamion transportues të jetë shkaktar i aksidentit, por ende nuk dihen shkaqet. Ka persona të lënduar, mirëpo ende nuk dihet sa”, ka thënë Hashani.
