Pamje si në filma: Një person del nga vetura dhe i vendos bombën lokalit në Prishtinë

Sot rreth orës 03:30 ka ndodhur një shpërthim në një lokal në rrugën “C” në Prishtinë.

Rastin për Gazetën Online “Reporteri.net” e ka konfirmuar zëdhënësja e Policisë për rajonin e Prishtinës, Flora Ahmeti.

IndeksOnline ka siguruar pamje ekskluzive të vendosjes së eksplozivit nga një person i panjohur.

Në video shihet qartë se si i dyshuari del nga një veturë, kalon dy korsitë e rrugës dhe e vendos me shpejtësi eksplozivin në hyrje të lokalit.