Ka përfunduar pa fitues ndeshja ndërmjet Kosovës dhe Sllovenisë, e zhvilluar mbrëmjen e sotme në stadiumin “Fadil Vokrri” në Prishtinë, në kuadër të eliminatoreve për Kampionatin Botëror 2026.
Takimi përfundoi me rezultat 0:0., raporton lajmi.net
Kosova e nisi mirë pjesën e parë dhe krijoi rastin më të mirë në minutën e pestë, kur sulmuesi Vedat Muriqi goditi me të majtën, por topi shkoi jashtë portës sllovene.
Pas këtij momenti, loja u dominua më shumë nga Sllovenia, e cila kontrolloi pjesën e parë dhe krijoi disa raste, përfshirë një goditje të fortë nga Benjamin Sesko që u ndal nga portieri Arijanet Muriq.
