Presidentja e Kosovës Vjosa Osmani, ka përkujtuar Masakrën e Rezallës në 23-vjetorin e saj.
Osmani tha se autorët e krimit duke u munduar të fshehin gjurmët e krimit zhdukën 44 viktima.
Ajo theksoi se e vërteta nuk mund të fshihet.
“Duke u përpjekur t`i fshehin gjurmët e krimit, autorët zhdukën 44 viktima, një pjesë e të cilëve u gjetën vite më pas në një varrezë masive në Rudnicë të Serbisë. E vërteta nuk mund të fshihet, ndaj do të jetë përkushtim i yni i vazhdueshëm. Për Rezallën dhe çdo vend të Kosovës ku janë kryer krime nevojitet drejtësi. Të rënët në këtë Masakër nuk do të harrohen kurrë dhe bashkë me përvjetorët e lirisë do të kujtohen çdoherë!”.
