Përfaqësues të Misionit të OSBE-së në Kosovë, Dane Koruga dhe Arben Hajredinaj, kanë vizituar hapësirat e Shoqatës së Gazetarëve në Mitrovicë (SHGM), me ç’rast kanë dhuruar një donacion prej 6 kompjuterë dhe një printer.
Dane Koruga, shef i seksionit për media në Departamentin e Demokratizimit në misionin e OSBE-së në Kosovë, tha se ky donacion është pjesë e projektit të përgjithshëm në kuadër të aktiviteteve të OSBE-së që synon përforcimin e kapaciteteve për gazetarët në fushën e gazetarisë.
Në anën tjetër, Hysni Syla, kryetar i SHGM-së, duke falënderuar OSBE-në për mbështetjen e vazhdueshme ndaj gazetarëve në përgjithësi dhe atyre mitrovicas në veçanti, ka bërë të ditur se angazhimi i OSBE-së nuk ka munguar asnjëherë në përpjekjet që gazetarët në mënyrë të lirë dhe në kushte sa më të mira të kryejnë punën e tyre. “Ky donacion është edhe një shembull i bashkëpunimit të frytshëm dhe efektiv mes OSBE-së dhe Shoqatës së Gazetarëve të Mitrovicës”, ka thënë Syla. /Telegrafi/
