Janë numëruar mbi 34 përqind të votave për kandidatët për deputetë nga zgjedhjet e parakohshme parlamentare të 28 dhjetorit të cilat janë të publikuara nga Komisioni Qendror i Zgjedhjeve.
Të dhënat e publikuara nga KQZ-ja në uebfaqen e tyre, tregojnë se cilët janë top 10-shja e Lëvizjes Vetëvendosje.
Lider i LVV-së, Albin Kurti deri më tani me 118 mijë 480vota, ndiqet nga Glauk Konjufca 92 mijë e 172, Albulena Haxhiu si gruaja më e votuar në këtë listë me 47 mijë e 700, Hekuran Murati me 47 mijë e 595, Donika Gërvalla me 42 mijë e 79, Xhelal Sveçla 38 mijë e 120, Hajrulla Çeku 35mijë e 81, Avni Dehari 31 mijë e 343, Mimoza Kusari Lila 28 mijë e 949 dhe Ejup Maqedonci me 26 mijë e 882vota.
Kjo është top 10-shja më e votuar në koalicion fitues të këtyre zgjedhjeve të LVV-së me GUXO-n, Alternativën dhe PShDK-në.
