Instituti Kombëtar i Shëndetësisë Publike të Kosovës ka konfirmuar se 21 persona kanë arritur të shërohen sot nga koronavirusi.
Me pacientët e shëruar sot, numri i të shëruarve ka shkuar në 159, shkruan Gazeta Sinjali.
“Sot më 23 prill 2020, janë shëruar edhe njëzet e një (21) pacientë, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej njëqind e pesëdhjetë e nëntë (159) raste”, njofton IKSHPK.
Në anën tjetër, janë 36 raste që sot janë konfirmuar me koronavirus, që e çojnë në 669 numrin total të rasteve. Prej tyre, 18 kanë vdekur, përfshirë një 53-vjeçar nga Prizreni që vdiq sot gjatë ditës.
