Një i arrestuar për fajde në Gjilan

Policia e Kosovës ka njoftuar se ka arrestuar në Gjilan një person që dyshohet se ka kryer veprën penale: fajde.

“Në bazë të urdhëresës së gjykatës Njësiti i Krimeve Ekonomike ka arrestuar të dyshuarin mashkull K-Shqiptar me dyshimin e bazuar se i njëjti është duke zhvilluar veprimtarinë e kundërligjshme ‘fajde’. Gjatë bastisjes në shtëpinë të dyshuarit është konfiskuar një kartëmonedhë prej 500 euro e cila dyshohet të jetë e falsifikuar. Me urdhër të prokurorit i dyshuar dërgohet në mbajtje”, thuhet në raportin e policisë.