Nga kjo komunë e Kosovës ishte kosovari që vdiq sot në aksidentin e tmerrshëm në Zvicër

Një shtetas i Kosovës, banor në Kantonin St. Gallen, ka humbur jetën në një aksident trafiku.

Albinfo.ch mëson se bëhet fjalë për një person 46 vjeçar (D.A) nga Drenoci i Deçanit, me vendbanim në Balgach SG (Zvicër). Po ashtu, mësohet se aksidenti ka ndodhur në orët e hershme të mëngjesit.

Sipas raportimit të mëhershëm të smopo.ch, kosovari ka qenë duke e ngarë makinën tatëpjetë rrugës Tigelbergstrasse në drejtim të fshatit Berneck, kur, për shkaqe të panjohura, ka dalë nga rruga duke e goditur dhe depërtuar një rrethojë.