Në orën 13:00 në Pallatin e Drejtësisë në Prishtinë, pritet të mbahet seanca e rigjykimit ndaj Endrit Nikës.
Endrit Nika akuzohet për vrasjen e shtetases argjentinase, Maria Clara Urdangaray.
Më 19 shkurt të këtij viti, Gjykata Themelore në Prishtinë kishte shpallur aktgjykimin ndaj Endrit Nikës, i cili është dënuar me 18 vjet burg për veprën penale “vrasje e rëndë” ndaj partneres së tij, Maria Clara Urdangaray.Megjithatë, vendimi u anulua nga Gjykata e Apelit, e cila urdhëroi rigjykimin e rastit.
Prokuroria ka paraqitur prova që sipas saj, mbështesin akuzën për vrasje të rëndë, duke pretenduar se Nika veproi me paramendim për t’i marrë jetën M.K-U., pasi sipas aktakuzës, e kishte shtyrë atë në dhomë, duke ia pamundësuar arratisjen
