Një mërgimtar i cili nuk ishte për 15 vite në Kosovë është befasuar keq kur nuk ka arritur të pajiset me certifikatë të lindjes.
Ky mërgimtar, i cili në kushte anonimiteti ka thënë për ‘Indeksonline’, se ka ardhur nga Gjermania dhe ka provuar sot në një nga Bashkësitë Lokale të marrë një certifikate, por nuk ia ka arritur qëllimit.
“15 vite nuk kam qenë fare në Kosovë. Kam ardhur nga Gjermania dhe kam dashur të nxjerrë një certifikate të lindjes, por me kanë thënë se nëse nuk ke nxjerr certifikatë për 15 vite, atëherë nuk mundesh dhe vlerësohet se nuk je nënshtetas i Kosovës”, ka thënë ky mërgimtar për ‘Indeksonline’.
‘Indeksonline’, ka provuar të marrë një përgjigje nga organet kompetente për këtë çështje, por kontakti me ta ka qenë i pamundur.
