Nënkryetarja e LVV-së, Fatmire Mulhaxha Kollçaku ka thënë se do të ketë masa adekuate për situatën epidemiologjike në vend.
Kollçaku tha se nuk ka efekt të mbyllen lokalet pas orës 18:00, nëse gjatë ditës janë të stërmbushura.
Ajo shtoi se për të luftuar pandeminë duhet të fuqizohen inspektoratet.
“Ju e dini që gjatë ditës lokalet janë të stërmbushura. Nuk ka efekt nëse në mbrëmje mbyllen lokalet. Do të ketë masa adekuate për situatën aktuale epidemiologjike, por askush nuk do të vendos krye në veti. E kuptojmë që një mbyllje tjetër dëmton ekonominë”, tha ndër të tjera Kollçaku në RTV Dukagjini.
Ajo tha se në rast të një mbyllje eventuale do të ketë edhe masa të tjera mbështetëse.
“Do të mirren ato masa që janë të nevojshme. Ka qenë një frikë e madhe para se me ardhë qeveria Kurti se do të mbyllemi. Çkado që do të ndodhë do të ketë edhe masa mbështetëse. Edhe një mbyllje eventuale do të kërkojë masa të tjera mbështetëse”, shtoi Kollçaku./Express/
