Nënkryetari i Komunës së Skenderajt ka pritur sot në takim Avokatin e Popullit z. Ilmi Jashari. Temë e takimit ishte bashkëpunimi ndërinstitucional në frymën e mbrojtjes së të drejtat e njeriut nga insrtitucionet përkatëse.
Fadil Nura në hapje të takimit shprehu kënaqësinë e pritjes së z. Jashari, duke theksuar rëndësinë që ka bashkëpunimi i Komunës së Skenderajt me institucionin e Avokatit të Popullit në shërbim të qytetarëve.
Nënkryetari Nura theksoi se bashkëpunimi i deri tashëm më këtë institucion dhe zyren regjonale të tij në Mitrovicë, ka qenë mjaft i mirë. Ai përmendi edhe problematikat që hasin qytetarët e kategorive të ndryshme, në realizimin e të drejtës së tyre. Z. Nura ndër të tjera përmendi faktin se Komuna e Skenderajt është duke bërë përpjekje maksimale të respektojë të drejtat e njeriut në procedura administrative.
Avokati i Popullit Ilmi Jashari tha më këtë rast se qëllimi i takimit është zotimi për vazhdim të bashkëpunimit ndërinstitucional në interes të qytetarëve dhe respektimi i të drejtave të tyre. Ai theksoi se në institucionin që ai udhëheqë deri më tani nuk ka pasur ankesa në raport me Komunën e Skenderajt.
Jashari u interesua edhe për mundësinë e hapjes së një zyre të Avokatit të Popullit në Skenderaj, me ç’rast z. Fadil Nura e siguroi se Komuna e Skenderajt do të ofrojë hapësirën e kërkuar për aktivitete të këtij institucioni në ndonjërin nga objektet publike që i ka në posedim.
Në takimin e Nënkryetarit Nura me z. Jashari mori pjesë edhe deputeja e Parlamntit të Kosovës Blerta Deliu Kodra, e cila po ashtu e cilësoi si të rëndësisë së veçantë bashkëpunimin ndërinstitucinal dhe në mes të institucioneve të pavarura, në realizimin e të drejtave të qytetarëve.
