Nëna e 9 vjeçarit K.Veseli, Makfire Ilazi i cili u dhunua për një kohë, ndërsa u vra para pak ditësh në mënyrë barabare, për ‘Frontal’ ka treguar gjithë ngjarjen e rëndë.
Ilazi rrëfeu se si viktima, në këtë rast djali i saj, kishte dalur së bashku me të për të mbledhur lemenka e për të fituar pak para.
Viktima, siç thotë nëna e tij ka kërkuar që të qëndrojë edhe pak që të fitojë para, për të blerë ndonjë ushqim, kur nëna shkoi në shtëpi. I njëjti, pastaj nuk ishte kthyer më edhe pse familjarët e kanë kërkuar.
Nëna e viktimës, tutje tregon se e kishte parë të akuzuarin para se të gjendej trupi i djalit të saj.
“Unë tani e pash Sefedinin, pyeta ku ma ke lon djalin, ai u dridhke e ja therri me bicikletë’ ka thënë ajo.
‘Njani pastrues ma kish gjet djalin të kontienerët, e kish ngre jorganin i ka kamtë e djalit, po e ka thirr Policinë’, ka thënë ajo.
Ndryshe, Gjykata Themelore në Prishtinë ka vendosur masën e paraburgimit prej 1 muaji për të dyshuarin për vrasjen e 9 vjeçarit. S.O, i cili është arrestuar disa ditë pasi K.Veseli u gjet i vrarë.
