Në Itali, vetëm në 24 orët e fundit kanë vdekur 168 persona si pasojë e koronavirusit, që është numri më i madh për një ditë, ka bërë të ditur “index.hr”.
Numri i përgjithshëm i rasteve që kanë përfunduar me fatalitet në këtë vend, tashmë ka shkuar në 631, ndërkohë numri i të prekurve është rreth 9.000.
Italia, me vendim të Qeverisë është futur e tëra në karantinë.
Virusi po shpërndahet me shpejtësi edhe në shtetet tjera.
Në Serbi, sot janë paraqitur tri raste të reja me koronavirus, i fundit në orën 18:00, ka njoftuar b92.
Kroacia ka raportuar për pacientin e 15-të të prekur me Covid-19. Në Shqipëri janë 10 raste, e në Maqedoni 7.
Kosova, Mali i Zi dhe Turqia janë vendet e vetme në Evropë që nuk kanë raportuar për ndonjë të prekur me këtë virus.
