Anipse zgjodhi që të kërkojë konstituimin sa më të shpejtë të Kuvendit të Kosovës, e formimin e Qeverisë së re- presidentja Vjosa Osmani foli veç kur deshi dhe çfarë deshi ajo.
Kësisoj veproi sot kur u pyet nga gazetarët në lidhje me interpretimet kushtetuese për zhvillimet në Kuvendin e Kosovës dhe ndarjen e votimit për nënkryetar të komuniteteve pakicë, serbe dhe joserbe- gjë e cila po shihet si shkelje.
Osmani në momentin që pranoi këtë pyetje tha se për këtë çështje mund t’u drejtohen ekipit të saj, meqë sipas saj s’është momenti për t’u lëshuar në interpretime të tilla.
“Tash nuk dua të futem në interpretime kushtetuese në këtë situatë, ju lus për mirëkuptim”, ka thënë Osmani.
Ajo ka thënë e pyetje për këtë mund t’i drejtohen ekipit të saj.
Këto deklarata ajo i bëri pas homazheve te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.
Bashkë me Osmanin në homazhe të pranishëm ishin edhe kryeministri në detyrë, Albin Kurti dhe kryeparlamentari i sapozgjedhor- Dimal Basha./Lajmi.net/
