Moderatorja e RTK’së shpërthen në lot, derisa jep lajmin për vdekjen e koleges

Moderatorja e RTK’së, Edona Musa gati sa nuk ka shpërthyer në lot derisa ka dhënë lajmin për vdekjen e koleges së saj, Ardita Sylejmani, shkruan Gazeta Metro.

Gazetarja e RTK’së, Ardita Sylejmani ka vdekur sot në Budapest të Hungarisë.

Gazetarja me prejardhje nga Gjilani dyshohet se ka humbur jetën gjatë procesit të lindjes.

Dyshimet e para janë se ajo ka pasur komplikime shëndetësore, ndërsa me gjithë përpjekjet e mjekëve, nuk ka arritur të mbijetonte.

Gazetarja Sylejmani është bashkëshorte e Shpend Bllacës, të punësuarit në stafin diplomatik të Republikës së Kosovës në kryeqytetin hungarez.