Një person është arrestuar gjatë ditës së djeshme për posedim dhe kultivim të substancave narkotike.
Njësitet e Policisë së Kosovës me vendim të Gjykatës, kanë bastisur shtëpinë e të dyshuarit, ku kanë gjetur dhe konfiskuar 6.7 kilogramë kanabis, 72 saksi me bimë të kanabisit, foli të ndryshme, një telefon celular.
Përmes raportit 24 orësh, Policia bën të ditur se me vendim të prokurorit i dyshuari pas intervistimit është dërguar në mbajtje.
“Me vendim të gjykatës njësiti i DHTN-së në Gjilan ka bastisur shtëpinë e të dyshuarit mashkull K-Shqiptar, ku janë gjetur dhe janë konfiskuar 6.7 kilogramë kanabis, 72 saksi me bimë të kanabisit, foli të ndryshme, një telefon celular. Me vendim të prokurorit i dyshuari pas intervistimit dërgohet në mbajtje”, thuhet në raport./Express
