Selektori i Ukrainës, Andriy Shevchenko bëhet gati për miqësoren me Shqipërinë.
Pas ndeshjes miqësore ndaj Kosovës mbrëmjen e sotme, Shqipëria do të luajë edhe ndaj Ukrainës së drejtuar nga ish-ylli i Milanit Andriy Shevchenko.
Ndeshja ishte parashikuar të luhej në stadiumin e Evian në Francë më 3 qershor, por Shevchenko ka kërkuar së fundmi të ndryshohet stadiumi, transmeton “Tch”.
Kërkesa e tij ka shkuar deri në FIFA dhe tashmë po diskutohet me organizatorët e të dyja palëve, por ende nuk ka një vendim. Kërkesa mund të vlerësohet si e çuditshme, pasi shqetësimi i trajneri të Ukrainës nuk është terreni, i cili është në kushte mjaft të mira, por kapaciteti i stadiumit.
