Agnesa Vuthaj, përmes një statusi të gjatë në ‘Facebook’, ka bërë të ditur se është duke punuar fort për njohjen e Kosovës nga Nigeria, gjë që sipas saj nuk ka arritur ta bëj akoma asnjë Ministër i Punëve të Jashtme, Kryeministër a President.
Reporteri.net ka kontaktuar me Jetlir Zyberaj, këshilltari i ministrit të Punëve të Jashtme, Behgjet Pacolli për ta pyetur nëse janë në dijeni për angazhimin e Vuthajt.
Ai e vlerëson shumë vullnetin e saj dhe të gjithë qytetarëve për t’i shërbyer vendit.
”MPJ, aktivitetin e vet e zhvillon ne linje zyrtare, ndërsa e vlerësojmë angazhimin e secilit qe jep kontributin e vet pozitiv ne kete drejtim. Sa i përket pyetjes tuaj, jo, nuk kemi qene ne dijeni për këtë angazhim, pasi qe s’ka pasur koordinim me neve, përkunden faktit qe e vlerësoj shume vullnetin e shprehur për t’i shërbyer vendit”, ka thënë Zyberaj për Reporteri.net.
Ai thotë se të tjerat që thuhen pastaj janë humor.
