Ministri i mbrojtjes i Zvicrës po paralajmëron se siguria e Evropës është nën kërcënim në rritje.
Në një intervistë në SonntagsZeitung, Martin Pfister vuri në dukje shkeljen e fundit të hapësirës ajrore polake nga dronët rusë, duke theksuar rrezikun e shtuar të përshkallëzimit në të gjithë kontinentin, transmeton albinfo.ch.
Ndërsa qeveria e konsideron një skenar të ngjashëm të pamundur për Zvicrën, zyrtarët pranojnë se sistemi i mbrojtjes ajrore të vendit nuk mund të zmbrapsë aktualisht kërcënime të tilla me rreze të gjatë veprimi.
Zvicra është në pritje të dorëzimit të sistemeve të raketave Patriot, të vonuara për shkak të prioriteteve të SHBA-së në Ukrainë.
Pfister thotë se bashkëpunimi më i ngushtë me vendet fqinje do të jetë thelbësor për të zbuluar dhe luftuar dronët në mënyrë efektive.
