Deputeti i Nismës Socialdemokrate Milaim Zeka ka thënë se udhëheqës të bisedimeve me Serbinë do të duhej të ishin kryetari i VV-së Albin Kurti dhe shefi i GP të LDK-së, Avdullah Hoti.
“Bile unë do dëshiroja që kryetari i opozitës, zoti Albin Kurti bashkë me Avdullah Hotin të jenë udhëheqës të bisedimeve me Serbinë”, tha Zeka në fjalën e tij në Kuvend.
Zeka, ka thënë se liderët në pushtet dhe ata opozitarë nuk duhet të lejojnë që Lista Serbe të “bëj hajgare” me shtetin e Kosovës, shkruan Periskopi.
Ai ka thënë Lista Serbe është armikja më e madhe e serbëve të Kosovës.
“Lista Serbe është armikja më e madhe e komunitetit serb në Kosovë. Por edhe opozita nuk duhet të bëj vakum që Lista Serbe me bë hajgare me shtetin tonë. Bile unë do dëshirja që kryetari i opozitës, zoti Albin Kurti bashkë me Avdullah Hotin të jenë udhëheqës të bisedimeve me Serbinë”, ka thënë ai.
