Qeveria e Kosovës vendosi që mësimi të rifillojë në shtator, mbahet edhe në shkollë edhe online.
I pari erdhi serbi që 2 ditë më parë foli publikisht në gjuhen shqipe.
Pas Goran Rakiqit, në sallën e mbledhjeve në ndërtesën e qeverisë shkuan ministrat e AAK-së, e kështu me radhë.
E në mbledhjen e 27-të të qeverisë, pika e vetme e rendit të ditës ishte shqyrtimi i propozim vendimit për përkrahje institucionale e financiare për fillimin e vitit të ri shkollor.
Ministri i Arsimit, Ramë Likaj, tha se procesi mësimor parashihet të rifilloi në 3 faza.
Ndërkohë pritet që çdo dy javë të shihet se si do të vazhdon të mbahet mësimi.
E kryeministri i Kosovës, Avdullah Hoti tha se janë bërë të gjitha përgatitjet e nevojshme për rifillimin e mësimit në shkolla.
Gjithashtu Hoti tregoi se edhe mësimdhënësit janë trajnuar për mësimin online.
Ky master plan u miratua me asnjë votë kundër dhe asnjë abstenim.
Pas mbledhjes, Hoti e Likaj mbajtën një konferencë për media ku bënë apel tek të gjithë t’i respektojnë masat anti covid.
