I përgëzoj gjitha strukturat e sigurisë të Kosovës. Në këtë kuadër, dua ta uroj secilin anëtarë të Policisë së Kosovës për përkushtimin dhe profesionalizmin e ushtruar në misionin e sotëm në zbatim të kushtetutshmërisë dhe ligjit në veriun e Kosovës, duke rezultuar në arrestimin e Marko Gjuriçit i cili kishte hyrë ilegalisht në territorin e vendit tonë.
Është koha për ndërtim të unitetit për arritjen e qëllimit të përbashkët.
Nuk kemi kohë për të humbur. Na presin çështje të mëdha e të rëndësishme. Duhet të orientohemi në çështje të interesit strategjik të vendit, forcimin e shtetit, rikthimin e madh të besimit qytetar në institucione dhe përmirësimin e cilësisë së jetës së qytetarit tonë.
Është koha që institucionet e Kosovës të trajtojnë tema të tjera të rëndësisë kombëtare-shtetërore, siç është transformimi i FSK-së në ushtri të Kosovës si dhe fuqizimi i agjendës së integrimeve euro-atlantike.
