Abedin Ibrahimi është zgjedhur kryetar i Federatës së Volejbollit të Kosovës me 3 dhjetor 2016 si dhe janë zgjedhur edhe strukturat udhëheqëse të FVK-së, shkruan Infokusi.com.
Por, të gjitha këto janë bërë në mënyrë të jashtëligjshme ku është shkelur statuti dhe Kuvendi duhet të rikthehet në pikën zero.
Ky është vlerësimi i Bislim Bislimit, udhëheqës i Divizionit për Hartimin dhe Harmonizimin e Legjislacionit në Departamentin Ligjor dhe Mehdi Uka, zyrtar ligjor në Ministrinë e Kulturës, Rinisë dhe Sportit.
Të dy, kanë bërë interpretimin e tyre pas kërkesës që kanë marr nga disa delegatë të Kuvendit të FVK-së, kërkesë që është nisur nga Abedin Mehani, kryetar i klubit të Drenasit.
Kështu, interpretimi i është dërguar sekretarit të MKRS-së, Veton Firzit dhe drejtorit të Departamentit Ligjor, Feim Hoxhës nga të cilët duhet të nënshkruhet.
Po ashtu, këtë interpretim e ka marrë edhe ministri, Kujtim Shala, shkruan Infokusi.com.
Zyrtarët që e kanë bërë interpretimin kanë dhënë edhe katër rekomandime që duhet të respektohet shumë shpejt nga Departamenti i Sportit, i cili duhet ta obligoi Federatën e volejbollit që ta thërret sa më shpejt Kuvendin Zgjedhor.
Infokusi.com e ka siguruar interpretimin e plotë të cilin mund ta shiheni në fotografitë e mëposhtme./Infokusi.com/
