Përkundër se Policia e Kosovës nuk ka arritur ta zbulojë identitetin e viktimës së një atentati dje në veri, për shkak se nuk kishte dokumente identifikuese, mediat serbe kanë zbuluar se kush është ai.
Bëhet fjalë për Dejan Steviq, nga Krushevci i Serbisë.
Mediet në Beograd kanë njoftuar se atë e ka vrarë M.U. nga Aleksinci i Serbisë. Policia e Kosovës në veri ka thënë se një person si i dyshuar për vrasjen është arrestuar pa e bërë të ditur identitetin e tij, por mediet në Beograd kanë precizuar se është arrestuar pikërisht M.U, vetëm pak kohë pasi që ka kryer vrasjen.
Steviq ishte i njohur për policinë e Serbisë, për përfshirjen në bandat kriminale serbe.
- Advertisement -
