Agjencia e Menaxhimit Emergjent bën të ditur se gjatë 12 orëve të fundit janë regjistruar gjithsej 61 vatra zjarri në vend.
Në njoftimin e lëshuar për media thuhet se nëntë vatra vazhdojnë të jenë ende aktive, ndërsa 52 vatra janë lokalizuar falë intervenimit të Njësive të Zjarrfikësve dhe strukturave të tjera mbështetëse.
“Menaxhimi i situatës po zhvillohet në koordinim të ngushtë me Njësitë e Zjarrfikëse, Qendrat Operative 112 dhe Policinë e Kosovës, thuhet në njoftim.
AME shton se nga vlerësimet dhe analizat e bëra, situata paraqitet e menaxhueshme, pasi të gjitha vatrat aktive janë nën monitorim të vazhdueshëm dhe ekipet zjarrfikëse janë në terren.
AME shpreh mirënjohje për përkushtimin e zjarrfikësve, Policisë e Kosovës, KFOR-it, komunave dhe qytetarëve që kanë kontribuar në menaxhimin e situatës.
