Makina shpërthen në flakë/ Ja kush është biznesmeni që u dogj brenda saj
Një person është djegur i gjallë në makinën e tij, e cila shpërtheu në flakë, pasi biznesmeni humbi kontrollin e saj dhe u përplas me barrierën ndarëse.
Ngjarja e rendë ka ndodhur në autostradën zvicerane dhe personi që u dogj brenda është një biznesmen i njohur. Ai ishte shtetas gjerman dhe gjeti vdekjen brenda makinës që shpërtheu në flakë.
Reinhold R. (48), sipërmarrës nga Baden-Ëürttembergu, ka qenë duke u kthyer nga një udhëtim zyrtar nga Milano. Pas vetes ka lënë bashkëshorten dhe tre fëmijë.
Reinhold R. ishte udhëheqës i një sipërmarrje në Tettnang dhe prodhuesit të furnirit nga Sllovakia, Europlac. Sipërmarrjet ishin themeluar në vitet 1994 dhe 2002 dhe udhëhiqeshin nga ai.
Lexo edheNiveli i papunësisë në Turqi bie në 10,6%
Sipas policisë, njofton Albinfo.ch, sipërmarrësi gjerman ishte aksidentuar të enjten në autostradën A2 në afërsi të Tunelit Monte-Ceneri, në drejtim të Veriut.
Ai e humbi kontrollin mbi veturën e tij, duke goditur barrierën në mes dy korsive. Vetura u rrotullua dhe i doli flaka, ndërsa sipërmarrësi nuk ka mundur të shpëtojë, shkruan “Bild”. Shkaku i aksidentit mbetet ende i paqartë.
Në ndërkohë, edhe Tesla është prononcuar lidhur me aksidentin: “Jemi të prekur thellë me aksidentin”, ka deklaruar një zëdhënës i Tesla. “Jemi duke hulumtuar që t`i grumbullojmë të gjitha faktet lidhur me këtë rast”.
