Muaji i bekuar i Ramazanit ka hyrë në javën e tij të dytë. Përjetimi i këtij muaji është i jashtëzakonshëm në çdo pjesë të globit ku jetojnë muslimanë, por më i veçantë bëhet ai në Mekë, në Qabe.
Agjencia e lajmeve SPA, Saudi Press Agency, sjell një tufë fotografish të bëra nga një helikopter, një kilometër mbi Qabe.
Imazhet fotografike i përkasin së shtunës së 3 qershorit.
Rreth tetë milionë pelegrinë janë bartur për në Xhaminë e Madhe dhe prej saj në tetë ditët e para të Ramazanit. Një numër që ka një rritje të konsiderueshme nga viti i kaluar.
Mbi 30.000 është numri i mjeteve të përdorura për këtë qëllim. Arab News thotë se 35 milionë njerëz pritet të barten për në Xhaminë e Madhe gjatë këtij muaji. /tesheshi.com/
