Qyteti i Ferizajt është i njohur si qytet i krijuar vonë në Kosovë, që kur është ndërtuar stacioni hekurudhorë në vitin 1873.
Por ajo çka e veçon këtë qytet është një fenomen i jashtëzakonshme që është lumi Nerodime i cili gjendet në këtë qytet.
Bifurkacioni në qytetin e Ferizajt, respektivisht Bifurkacioni i lumit Nerodime është një fenomen natyror i ndarjes së lumit në dy degë dhe derdhjes në dy dete.
Lumi i Nerodimës buron nga Bjeshkët e Jezercit, (një fshat në afërsi të Ferizajt) dhe ndahet pakthyeshëm në dy degë, të cilat kanë derdhje në dy dete të ndryshme. Dega veriore derdhet në lumin Sitnicë dhe vazhdon rrugëtimin në lumin Ibër, Moravë dhe përmes Danubit derdhet në Detin e Zi, ndërsa ajo jugore përmes lumit Lepenc dhe Vardarit derdhet në Detin Egje.
Rasti tjetër i bifurkacionit është me lumin Orinko në Venezuelë.
Bifurkacioni i Lumit Nerodime është rezervat special natyror i kategorisë së parë me rëndësi arsimore, shkencore dhe turistike i cili është i mbrojtur me ligj që nga viti 1979 dhe sipërfaqja e mbrojtur me ligj është 13ha.
Bifurkacioni i Lumit Nerodime gjendet rreth 1 kilometër në veriperëndim larg nga qendra e qytetit të Ferizajt (42°22’09.45”N, 21°04’47.58”E) dhe është brenda zonës së qytetit të Ferizajt.
Arritja deri te vendi është shumë i lehtë duke i përcjellë shenjat nga qyteti apo duke u informuar tek zyra për informim mbi turizmin në Ferizaj. Rruga deri te Bifurkacini është shumë e mirë dhe e asfaltuar./Motilokal.com
