Kryetari i Drenasit, Ramiz Lladrovci, ka shkruar në profilin e tij në Facebook, se Kuvendi zgjedhor i Degës së PDK-së në Drenas është shtyrë për 19 maj.
Lladrovci që është edhe Kryetar i komisionit lokal zgjedhor, ka treguar edhe arsyet e kësaj shtyrje.
Komisioni lokal zgjedhor, përkundër paralajmërimeve se pa listat e kompletuara me delegatët e të gjitha nëndegëve të PDK-së në Drenas, nuk do të procedojë tutje, Listat e plota nuk arritën.
Për shkak të kësaj mungese thelbësore për proces zgjedhor transparent dhe demokratik, Komisioni lokal zgjedhor me vendim të shumicës absolute (8:1), vendosi që Kuvendi zgjedhor i Degës së PDK-së në Drenas të shtyhet për datën 19 Maj 2019.
