Jo të pakta kanë qenë ndejat gjatë muajve të fundit në oda të ndryshme të Suharekës e Drenasit. Pas presidentit të vendit, Hashim Thaçi e zyrtarëve tjerë, në një odë të tillë së fundmi është parë edhe i pari i Drenasit, Ramiz Lladrovci.
Së bashku me të, aty ka pasur edhe zyrtarë tjerë e qytetarë të cilët edhe dhanë kritika për punësimet, shkruan Gazeta Blic.
Madje në këtë ndejë, një qytetar dëgjohet duke e kritikuar Lladrovcin për mos punësimet e djemve të fshatit, ani pse ata kanë edhe fakultete të kryera.
Akuza për të është se i pari i Drenasit i ka gënjyer ata kur u pati premtuar edhe punësimet për djemtë e fshatit.
Por edhe përkundër kësaj, Lladrovci mohoi një gjë të tillë.
“Për me rrejtë na jemi të mbramtë që rrejna”, u përgjigj Lladrovci.
E gjithë kjo situatë, është publikuar edhe në rrjetin social Facebook nga ish-asamblisti i kësaj komune, Xhavit Drenori.
Ai ka postuar një video ku edhe ka shkruar “Diçka nga “programi zgjedhor”: punesimi per vota”
“Nuk eshte mire me i rrejte qe i puneson ne kembim te votes se ju ka humbe marrja e durimi e te bajne hore!”, ka thënë ndër të tjera ai./Gazeta Blic
