33 kandidatë për asamblenë komunale të Fushë Kosovës do t’i ketë PDK-ja.
Kandidati i saj për kryetar Rrahim Ternava e ka publikuar listën.
Ai ka thënë se kjo listë e përfaqëson më të mirën për Fushë Kosovën.
“Ju prezantoj listën e fitores, ekipi më i mirë e kandidatët më të mirë për Asamblenë Komunale të Fushë-Kosovës. Një listë njerëzish të ndershëm, profesionistë të lëmive të ndryshme, të aftë dhe të vendosur për ta çuar përpara qytetin tonë”.
“Kjo është lista që përfaqëson të mirën, të ndershmen, të dinjitetshmen, alternativën për ndryshim dhe transformim të qytetit tonë, kjo është lista kundër së keqes. Me punë, transparencë dhe përkushtim, ne do ta bëjmë ndryshimin rrënjësor që qyteti ynë e ka merituar dhe e meriton.Së bashku drejt fitores, fitores tuaj, fitores së përbashkët për ndryshim të madh. Na priftë e mbara”, ka thënë ai. /Gazeta Express
