Kandidati për kryetar të Komunës së Lipjanit, Shukri Buja, ka falënderuar qytetarët për përkrahjen e treguar në një postim emocionues në rrjetet sociale, duke e konsideruar këtë moment si një vulosje të fitores së tij.
“FALEMINDERIT qytetarë të dashur të Lipjanit! Sonte treguat dashuri, besim, si dhe përkushtim për Lipjanin tonë. Energjia juaj më dha forcë, pjesëmarrja juaj më dha shpresë, e mbështetja juaj e vulosi fitoren! Kjo fitore është e juaja! Është koha për fitoren e Lipjanit tonë!”, ka shkruar Buja në postimin e tij.
Mesazhi i tij ka ardhur pas një tubimi të madh me qytetarët, ku është ndjerë një atmosferë entuziaste dhe mbështetje masive nga simpatizantët e tij.
- Advertisement -
