LDK e AAK merren vesh që të jenë kundër mocionit eventual të mosbesimit nga opozita

LDK-ja dhe AAK-ja kanë nënshkruar marrëveshjen e koalicionit qeverisës.

Gazeta Online Reporteri.net ka siguruar dokumentin e marrëveshjes, i cili prasheh 14 pika.

Një prej pikave më interesante është e 11-ta ku është dakordimi i tyre rreth një mocioni të mundshëm mosbesimi.

Siç shihet në dokumentin e nënshkruar nga Haradinaj e Mustafa, ka dakordim se LDK dhe AAK nuk do të përkrahin mocionet e mosbesimit të inicuara nga palët e tjera në parlament, shkruan Reporteri.net.

Ndërkohë, në këtë dokument konfirmohet se pjesë e koalicionit janë edhe Nisma, AKR, LS dhe minoritetet e tjera, të cilat akoma nuk dihet kënd do ta propozojnë për pozita ministrore.