Ambasadorja e Kosovës në Shtetet e Bashkuara të Amerikës, Vlora Çitaku ka shkruar në llogarinë e saj në Twitter, pas ndarjes nga jeta të kreut të futbollit kosovar, Fadil Vokrri.
“Sot ndërroi jetë legjenda e futbollit tonë Fadil Vokrri. Përulësisht faleminderit për lotët e gëzimit që na i dhurove. Të qoftë i lehtë dheu i Kosovës. Lamtumirë legjendë!”, ka shkruar ajo.
Kryetari i Federatës të Futbollit të Kosovës, Fadil Vokrri, ndërroi jetë pas një komplikimi shëndetësor.
Ai ishte dërguar me urgjencë në Qendrën Klinike Universitare të Kosovës pasi i është rënduar gjendja.
Por gjendja e tij ka shkuar duke u përkeqësuar dhe ai ka ndërruar jetë në qendrën kryesore spitalore të vendit.
