Para pak muajsh doli në pension duke u përshendetur nga ditari, të cilin për dekada e mbajti në dorë, por sot mësuesi nga Prekazi Mustafë H. Lushtaku, ndërroi jetë, shkruan Drenica Press.
Sipas njoftimit të familjarëve, thuhet se sot është ndarë nga jeta mësuesi i shumë brezave, Mustafë Lushtaku. Ndër të tjera thuhet se “Pas një jete të tërë në shërbim të arsimit dhe gjuhës shqipe, z. Lushtaku u shua duke lënë pas një trashëgimi të çmuar dhe një boshllëk të madh në zemrat e familjes, nxënësve dhe të gjithë atyre që patën nderin ta njohin.
Ai nuk ishte vetëm mësimdhënës – ai ishte edukator me zemër, njeri i urtë dhe i dashur për të gjithë.
Ngushëllime të sinqerta familjes, të afërmve dhe gjithë komunitetit arsimor./DRENICA PRESS/
- Advertisement -
