Një person ka mbetur i vdekur në një aksident të rëndë trafiku në magjistralen Prishtinë-Pejë, konkretisht afër udhëkryqit në Komoran të Drenasit.
Aksidenti ka ndodhur afër një pompe të benzinës. Mësohet se i ndjeri ishte shtetas nga Shqipëria.
Rastin për vdekjen e shtetasit shqiptar, e ka konfirmuar zëdhënësi i policisë, Baki Kelani.
“Sot, më 07.12.2019, rreth orës 8:10, në fshatin Komoran, në autostradë, një veturë që po udhëtonte në drejtim të Prishtinës, ka humbur kontrollin dhe ka goditur një kamion të ndaluar në një pikë karburanti. Drejtuesi i veturës, sipas konstatimit të mjekëve në vend ngjarje, ka ndërruar jetë, lëndime ka pësuar edhe një pasagjere. Në vend ngjarje kanë dal njësi policore, zjarrfikësit, ndihma e parë dhe prokurori kujdestar”, ka thënë Kelani. /insajderi/
