Këshilli i Sigurisë i Kosovës miratoi Planin e Veprimit të paraqitur sot nga Ministria e Shëndetësisë e Kosovës, mëson “Koha” nga burimet e saj.
Plani parasheh kontrollet në kufi, transportimin e të dyshuarve, depistimin e tyre, trajtimin e të prekurve, karantinat e mundshme, protokollet e trajtimit, komunikimin e riskut, hierarkinë në veprim, logjistikën, sigurinë, komunikimin, menaxhimin e mbeturinave, trajnimin e personelit për vendosje të pajisjeve, menaxhimin e rasteve, menaxhimin e kufomave eventuale, informimin e popullatës e të tjera.
Kostoja e këtij Plani të Veprimit parashihet të jetë rreth 10 milionë euro.
- Advertisement -
