Punëtori i KEK-ut i cili mbrëmë aksidentalisht humbi jetën në vendin e punës në Termocentralin Kosova A, zyrtarisht merret vesh se është Fehmi Imer Salihu nga fshati Keqekollë i Prishtinës me vendbanim në Prishtinë, raporton portali Veriu.info.
Drejtuesit e Sindikatës së re të punëtorëve të KEK-ut i kanë konfirmuar se varrimi i të ndjerit do të bëhet nesër në Keqekollë të Prishtinës.
“Varrimi i punëtorit Fehmi Salihu i cili aksidentalisht humbi jetën në vendin e punës në Termocentralin Kosova A, varrimi i të ndjerit bëhet nesër e diele më datën 04.02.2018 në fshatin Keqekollë në lagjen Kurtaj në orën 16 e 30”, ka konfirmuar për portalin Veriu.info, Nexhat Llumnica nënkryetar i Sindikatës së re të punëtorëve të KEK-ut.
Mësohet se i ndjeri është i lindur në vitin 1961. /Veriu.info/
