Tërheqja e tre lidervë shtetëror, për shfuqizimin e Gjykatës Speciale, duket se ka ndikuar edhe tek deputetët të cilët kishin marrur iniciativë për shfuqizimin e saj.
Bekim Haxhiu, njëri nga deputetët që vazhdimisht kishte kërkuar që Kuvendi të shfuqizojë këtë Gjykatë, ka ndryshuar mendim.
Ai në një prononcim për Insajderi, tha se kjo iniciativë tashmë është e “vdekur”, duke shtuar se tashmë të gjithë duhet ta pranojnë që do e kemi një Gjykatë të padrejtë që do i trajtojë vetëm krimet e supozuara që u bën nga shqiptarët.
“Në momentin që Kryeparlamentari, Presidenti dhe Kryeministri janë tërhequr, nuk ka temë më. Nëse kokat e shtetit janë deklaruar që po tërhiqen nga kjo iniciativë atëherë të gjithë në duhet të pajtohemi me këtë gjë. Kjo është një padrejtësi e madhe e cila i ka ndodhë popullit shqiptar dhe shpresojmë që Ushtria Clirimtare të jetë faqebardhë si ka qenë deri më tani” ka thënë Haxhiu
E sa i përket kërkesës së drejtuesve të OVL UÇK-së, se përkundër tërheqjes së liderëve, ata presin që deputetët e Kuvendit që kanë qenë pro kësaj iniciative, të vazhdojnë të jenë edhe më tutje, Haxhiu tha se një gjë të tillë nuk duhet ta pres askush.
“Unë po e përsëris, përderisa janë tërhequr tre liderët nga ky qëndrim, atëherë mos të pret askush nga ne që ta vazhdojmë këtë qështje”, tha Haxhiu.
