Kuvendi Komunal i Skenderajt ka mbajtur sot mbledhjen e rregullt. Në këtë mbledhje, krahas shqyrtimit të pikave të zakonshme si miratimi i procesverbalit nga mbledhja e kaluar dhe adresimi i pyetjeve të këshilltarëve, është trajtuar edhe një çështje me rëndësi të veçantë – propozimi për bartjen e të hyrave vetanake nga viti 2024 për vitin aktual.
Pas një diskutimi të hapur ndërmjet anëtarëve të Kuvendit, Kryetarit Nura dhe drejtorëve komunalë, Kuvendi ka miratuar me shumicë votash këtë propozim të paraqitur nga Ekzekutivi komunal.
Kryetari Fadil Nura tha se bartja e të hyrave vetanake është e domosdoshme për të siguruar vazhdimësinë e disa projekteve dhe për të garantuar stabilitet financiar në realizimin e objektivave të Komunës për këtë vit.
Ky vendim pritet të ketë ndikim pozitiv në përmirësimin e shërbimeve komunale dhe përmbushjen më efikase të nevojave të qytetarëve të Skenderajt.
